Edicioni i 69-të i Berlinales, prezantohet për herë të parë dhe Kosova

Diel, 10 February 2019 10:13

Edicioni i 69 i Festivalit të filmit Europian, Berlinalja është hapur këtë vit me një deklaratë kundër seksizmit në industrinë e filmit. Në këtë event për 11 ditë do të shfaqen 400 filma nga e gjithë bota, teksa për herë të parë edhe Kosova, me filmin  “Në mes”. Aktorja franceze, Juliette Binoche, do të jetë presidente e jurisë së Berlinales, ndërsa figura ikonë e Festivalit për të 18 vit radhazi mbetet 70-vjeçari Dieter Kosslick.

Nën moton “Privatja është politike” është çelur në Berlin edicioni i 69 i Festivalit të Filmit Europian.  

Berlinalja është hapur këtë vit me një deklaratë kundër seksizmit në industrinë e filmit teksa gratë nuk janë vetëm frymëzuese për moton, por pjesëmarrja e tyre është këtë vit shumë e madhe.

Në këtë event për 11 ditë do të shfaqen 400 filma nga e gjithë bota, 23 me metrazh të gjatë, teksa 191 filma janë të regjisoreve gra.

Aktorja franceze, Juliette Binoche, do të jetë Presidente e jurisë së Berlinales është shprehur se ndjehet e vlerësuar që kryeson jurinë e këtij Festivali të rëndësishëm.

“Ne do t’i përdorim njohuritë, eksperiencën, mendjen tonë, për të gjykuar se cilët janë filmat më të mirë”, u shpreh 54-vjeçarja, fituese e çmimit Oscar në vitin 1996 për interpretimin e saj në filmin “Pacienti Anglez”.

Binoche do të kryesojë një panel prej gjashtë anëtarësh, në zgjedhjen e fituesit të çmimeve prestigjoze “Ariu i artë” dhe “Ariu i argjendtë”, që do të ndahen në një ceremoni gala më 16 shkurt.

Këtë vit në Berlinale merr pjesë për herë të parë edhe Kosova, me filmin  “Në mes”.  

Filmi në garën ndërkombëtare të filmave të shkurtër trajton dy tema paralelisht: fenomenin e ndërtimit të familjeve të njëjta dhe migrimin.

Autori i filmit, Samir Karahoda është shprehur i lumtur që filmi i tij debutues si regjisor është vlerësuar nga ky festival prestigjioz.

Premiera e filmit në Berlinale do të jetë më 12 Shkurt.

Pas 18 vjetësh në krye të festivalit, figura e Berlinales, 70-vjeçari Dieter Kosslick i cili me kapelen dhe shallin e tij është bërë personifikim i festivalit të famshëm, do ta lëshojë postin e tij të plotfuqishëm.

Vitin e ardhshëm, në edicionin e saj të 70-të Berlinalja do të drejtohet nga italiani Carlo Chatrian.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Arbitri shqiptar që do gjykojë sfidën në Europë

Sport

Arbitri shqiptar që do gjykojë sfidën në Europë

Enea Jorgji nuk gjykon prej dy javësh në superiore, por kjo nuk i ka mohuar atij të caktohet si arbitër kryesor në ndeshjen e rëndësishme të Youth Europa League mes...

Orteku godet vendpushimin në Zvicër, bora zë poshtë mbi 10 njerëz (FOTO/VIDEO)

Globi

Orteku godet vendpushimin në Zvicër, bora zë poshtë mbi 10 njerëz (FOTO/VIDEO)

Një grup njerëzish janë zënë poshtë nga një ortek në një vendpushim të skive në alpet zvicerane. Sipas policisë në Valais, orteku është raportuar në Crans-Montana rreth orës 14:15 duke...

Aksident në Lezhë, "Benzi" përplas kalimtaren nga Puka

Kronikë

Aksident në Lezhë, "Benzi" përplas kalimtaren nga Puka

Një kalimtare ka mbetur e plagosur gjatë një aksidenti rrugor në aksin Lezhë-Milot, në vendin e quajtur Ishull Lezhë. Shtetasja me iniciale Gj.Ll. 58 vjeçe, banuese në Pukë, u përplas nga...

Sondazh

Nothing found!

Sondazh

Nothing found!