La Britaninë për Shtetin Islamik, 19-vjeçarja pendohet,do kthehet

E Enjte, 14 February 2019 14:24

19-vjeçarja britanike Shamina Begum, e cila u largua nga Londra për t’u bashkuar me ISIS në vitin 2015, ka deklaruar se do të rikthehet në Britaninë e Madhe. Lajmin e ka bërë të ditur e përditshmja angleze ‘Times’, e cila ka bërë kërkime për të në kampin e refugjatëve Hol, në Siri. Shamina ka thënë se dëshiron të kthehet në shtëpi për të rritur fëmijën e saj të tretë, me të cilin është në muajin e nëntë të shtatzënisë. Dy fëmijët e tjerë të 19-vjecares kanë vdekur për shkak të sëmundjeve dhe nga kequshqyerja.

 “Unë e di se çfarë mendojnë të gjithë për mua në Britaninë e Madhe, sepse kam parë gjithçka që është shkruar për mua në mediat online. Por dua të kthehem vetëm për djalin tim. Do të bëjë çdo gjë për t’u kthyer dhe për të jetuar e qetë në vendin tim, por nuk jam penduar që kam ardhur këtu’- tha ajo.

19-vjeçarja ishte larguar në Siri së bashku me dy vajza të tjera Kadiza Sultana atëherë 16 vjeçe dhe Amira Abase 15 vjeçe Ato udhëtuan nga Aeroporti Gatewick në Turqi pasi u kishin thënë prindërve se po dilnin për shëtitje njëditore. Më vonë ato kaluan kufirin për në Siri. Pas mbërritjes në Raqqa, Begum qëndroi në një shtëpi me nuset e tjera të ardhshme, që ishin në pritje për t’u martuar me luftëtarë të ISIS-it.

‘M’u kërkua që të martohesha me një luftëtar anglez në mes të moshës 20-25 vjeç”, tha ajo. Dhjetë ditë më vonë ajo u martua me një 27 vjeçar holandez, i cili ishte konvertuar në mysliman. Burri i saj iu dorëzua një grupi luftëtarësh sirianë, ndërsa ajo tani është një nga 39 mijë refugjatët në një kamp në Sirinë veriore.

E pyetur nga gazetari i Times-it, nëse përvojat e saj të jetesës në bastionin e ISIS-it në Raqqa kishin përmbushur aspiratat e saj, Begum tha se kishte bërë një jetë normale.

Ajo ka treguar se si e kishte parë për herë të parë një kokë të prerë të servirur e cila ishte e një luftëtari që ishte ‘armik i islamit’. Ajo ka shtuar se tashmë është e gatshme të mbrojë fëmijën e saj dhe kjo është arsyeja pse e ka lënë Baghuzin.

“Kjo është arsyeja pse unë me të vërtetë dëshiroj të kthehem në Britani, sepse e di se nuk do të mungojë përkujdesja së paku shëndetësore”, tha ajo. “Do të bëja çdo gjë që më kërkohet vetëm që të mund kthehem në shtëpi dhe të jetoj në heshtje me fëmijën tim”.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Haradinaj përballë sfidës “taksë”, ja çfarë do t’i kërkojë Merkel

Bota Shqiptare

Haradinaj përballë sfidës “taksë”, ja çfarë do t’i kërkojë Merkel

Angela Merkel dhe Emanuel Macron do t’i kërkojnë kryeministrit Ramush Haradinaj heqjen e taksës, ndërsa kryeministrit Aleksander Vuçiç pushimin e fushatës kundër Kosovës, në mënyrë që të rifillojë dialogu mes...

Shihni 10 fotot më të mira nga e gjithë bota, njëra i përket Shqipërisë

Kuriozitete

Shihni 10 fotot më të mira nga e gjithë bota, njëra i përket Shqipërisë

Njihuni me foto më të mira nga e gjithë bota përzgjedhur nga agjensitë ndërkombëtare. 1-Banorët e rajonit të Mendrisio të maskuar si personalitete biblike kryejnë procession e së enjtes së shenjtë...

Tirana e Partizani duan vetëm fitore, edhe pse “i bëjnë nder” njëra-tjetrës

Sport

Tirana e Partizani duan vetëm fitore, edhe pse “i bëjnë nder” njëra-tjetrës

Java e 30-të e Kategorisë Superiore sjell duele ekstremesh, siç është ai ndërmjet Partizanit kryesues dhe Kastriotit që është në zonën e rënies nga kategoria. Të tilla janë edhe përballjet...

Sondazh

Nothing found!

Sondazh

Nothing found!