Pompeo, thirrje Amerikës së Jugut të mos pranojnë investimet ruse e kineze

Saturday, 13 Prill 2019 17:14

Sekretari amerikan i Shtetit, Mike Pompeo po u bën thirrje vendeve të Amerikës së Jugut të mos i pranojnë ofertat për investime dhe ndihma nga vende konkurrente të Amerikës si Kina dhe Rusia. Zoti Pompeo tha se Shtetet e Bashkuara mbeten një mik dhe partner ekonomik më i mirë për Amerikën e Jugut.

Në komentet dje në Santiago të Kilit, shefi i diplomacisë amerikane tha se Shtetet e Bashkuara besojnë që Amerika e Jugut ka përpara një moment mundësish për të “çimentuar një të ardhme në demokraci, begati dhe paqe për hemisferën. Është në dorën tuaj ta shfrytëzoni ose ta keqpërdorni këtë mundësi,” u shpreh zoti Pompeo.

Sekretari i Shtetit paralajmëroi se Kina dhe Rusia, të cilat kanë bërë investime të fuqishme në Amerikën e Jugut, sjellin korrupsion dhe dobësim ekonomik. Ai solli si shembull projektin e dështuar për ndërtimin e një dige në Ekuador, të financuar nga Kina.

“Diga pritej të zgjidhte problemet energjetike të Ekuadorit dhe ta nxirrte këtë vend nga varfëria, por deri tani diga funksionon me gjysmën e kapacitetit. Po ashtu thuajse të gjithë zyrtarët e lartë të përfshirë në këtë projekt janë në burg ose janë ndëshkuar për korrupsion,” u shpreh zoti Pompeo.

Sekretari amerikan i Shtetit akuzoi Rusinë se nxit trazira në Venezuelë duke mbështetur regjimin e Presidentit Nicolas Maduro dhe duke dërguar ushtarë për të krijuar një qendër stërvitore. Ai shtoi se Rusia i ka shitur armë Nikaraguas dhe ka hapur atje një qendër për stërvitjen e policëve. Rezultatet në këtë vend të Amerikës Qendrore, nuk kanë qenë aspak të mira, tha zoti Pompeo.

Shtetet e Bashkuara, tha ai, nxisin tregtinë e lire dhe ndihmojnë bashkëpunimin rajonal si dhe kanë mbështetur udhëheqësin e opozitës venezueliane që po përpiqet për të kthyer normalitetin në vend.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

… Sot, që nesër të mos jetë vonë!

Politikë

… Sot, që nesër të mos jetë vonë!

Nga Halil Teodori Situata politike në Shqipëri ka hyrë në një fazë kritike. Palët e përfshira sa vijnë dhe potencojnë frontet e përballjeve. Asnjë rreze shprese nuk ka për kompromis. Shteti...

Tragjike/ I moshuari gjendet pa jetë në mes të qytetit! Detajet

Aktualitet

Tragjike/ I moshuari gjendet pa jetë në mes të qytetit! Detajet

Një 80-vjeçar është gjetur pa shenja jete sot pasdite në qytetin e Korçës. I moshuari është identifikuar si Y.Muja. Policia dhe grupi hetimor ndodhen në vendin e ngjarjes dhe po punojnë...

Kriza e përplasjet në KZAZ, apeli i PDIU: Rama t’i kthehet arsyes

Aktualitet

Kriza e përplasjet në KZAZ, apeli i PDIU: Rama t’i kthehet arsyes

PDIU përmes një deklarate për mediat është shprehur e shqetësuar për situatën e fundit politike në vend. Ajo thekson se Shqipëria po rrëshqet me shpejtësi drejt një situate dramatike. Mes tjerash...

Sondazh

Nothing found!

Sondazh

Nothing found!