Edhe Musolini dhe Hitleri erdhen ne pushtet me vota

Saturday, 23 Mars 2019 17:48

Nga Oerd Bylykbashi/

Ne vitet 20, Musolini, nje ishmajtist qe u kthye ne fashist e qe sapo kishte ardhur ne pushtet me zgjedhje te dhunuara nga bandat e kemishezinjve, ‎ mblidhte ne Piazza Venezia dhjeteramijera italiane dhe u drejtohej me gishtin qe ngrihej lart kercenueshem, kunder kundershtareve politike qe i demonizonte. Nga ballkoni mbi shesh ai i fliste turmes per nje Itali te mrekullueshme qe do t'i kthehej shkelqimit te Romes perandorake te antikitetit. Per t'ia mbushur sheshet me punonjes te administrates dhe te tjere, kishin menduar strukturat e kemishezinjve.

Ne vitin 2017 rapori i ODIHR tha: "Një përfaqësues partie në qarkun Fier i tha MVZ-së së OSBE/ODIHR-it se një kryetar bashkie u kishte bërë thirrje kompanive publike dhe private të largonin nga puna punonjësit që mbështesnin PD-në."‎ - Pra keta qe qeverisin sot te kercenojne buken e gojes edhe kur punon ne privat, lere pastaj ne shtet.

Ne cirkun e sotem ne shesh, administrata u mblodh me presion, ate presionin qe ODIHR e ktheu ne rekomandimin prioritar kunder presionit mbi administraten, por qe BE ende duhet ta beje kerkese kryesore per Shqiperine. Sepse e lexuar ndryshe, do te thote qe shtetin e ka kapur partia-shtet, dhe kjo shkel Angazhimin e OSBE (Dokumenti i Kopenhagen 1990) per ndarjen e shtetit nga partia.‎

Punonjes te administrates ishin te detyruar sot te dilnin ne mitingun e Duces se Tiranes, te degjonin logorene perdhunuese te agresivitetit politik qe ai nxirrte nga goja, ‎i pafloke e kercenues pompoz po ashtu si Ducja i Romes dekada te shkuara.

Bashke me ate Gebelsin plot sperdredhje te Tiranes, sot degjuam se si shpalosen planin e ri: Parlamenti i Pare i historise se Shqiperise eshte nje ndertese karakatine, porsi Teatri ‎Kombetar dhe duhet prishur qe te ndertohen kulla te reja njesoj si tek Teatri. Po po, Parlamenti i Pare i Shqiperise eshte vene ne shenjester per t'u shembur.

Trushplarja nisi qe ne kohen e Komunizmit, u perpoq ta degradonte ate duke e kthyer ne Teatrin e Kukullave, ashtu sic ktheu kishat dhe xhamite ne pallate kulture apo palestra sporti. Enver Hoxha denigroi Parlamentin Shqiptar duke e quajtur teater kukullash. Burrat e kombit qe themeluan parlamentarizmin shqiptar u demonizuan dhe denigruan si marioneta. Qellimi i Diktatorit ishte te krijonte Kuvendin Popullor me delet tij komuniste qe i bindeshin pa diskutim.

Sot Edi Rama dhe Erion Veliaj, pas retorikes dhe demagogjise agresive, kane nje qellim te paster ekonomik. Prishet Parlamenti i Pare i shqiptareve te cilin ata ende e mbajne si teater kukullash‎ dhe aty jepet me PPP nje kulle tjeter. Po ashtu, Muzeu Historik i fillimit te viteve '80, ai per te cilin Enver Hoxha denigroi dhe shkaterroi ndertesen e bukur te Bashkise se kohes se Zogut, eshte viktime e te njejtit plan ogurzi per kulla si simbole te pushtetit mbytes.

Ndryshe nga Enver Hoxha qe perdori armet dhe burgun per te shtetezuar pasurite, keta te dy po perdorin propaganden denigruese, parate e krimit dhe korrupsionit dhe Kodin Civil per te grabitur dhe privatizuar pronat, ne menyre qe askush te mos ua marre me kurre pasurite.

Llogarine e fitimit ekonomik bejeni vete. Sa me shume parate fitohen, aq me shume denigrohet si e rrenuar ndertesa e Parlamentit historik perpara trushpelareve dhe te detyruarve me perdhune. Ashtu do ta duartrokasin vizionin e tyre modern turmat ne shesh dhe Rama dhe Veliaj me pas do te thone qe moren miratimin per planin e tyre te kullave nepermjet atij "plebishiti" ne sheshin e madh te Tiranes.

Qe Edi Rama do qe te zhduke historine e parlamentarizmit, nuk ka asnje cudi sot qe ai ka kthyer ne nje teater kukullash Kuvendin e Shqiperise, nje salle me buratine qe ngrene doren kur ai ngre kercenueshem gishtin. Madje sot parlamenti, plot 27 vite pas rrezimit te komunizmit me zgjedhjet e 22 marsit 1992, u zevendesua nga plebishiti i Sheshit Skenderbej, ku militantet e pushtetit dhe adminstrata e dhunuar sherbejne si aprovim i planeve ogurzeza te Rames dhe Veliajt.

Por sot ka rene Republika dhe eshte ngritur Edi Rama, Dux apo Udheheqesi i Shqiperise‎. Sot nuk ka me asnje dyshim, kur Rama fillon sulmin ndaj dickaje dhe Veliaj sperdridhet duke shitur vizionin e tij modern, qellimi eshte i paster per kapje pushteti dhe fitime marramendese.

Parlamenti i pare i Shqiperise duhet transformuar nga Teater Kukullash ne Muzeun e Parlamentarizmit. Duhet ta shpetojme ndertesen e tij nga grykesia e Edi Rames dhe marionetes se tij ne Bashkine e Tiranes. Duhet kthyer ne simbol te luftes per shpetimin e demokracise parlamentare.

Historia na kujton se mitingjet plebishitare te Piazza Venezia dhe Nurembergut ku turmat brohorisnin, erdhen pasi Musolini dhe Hitleri erdhen ne pushtet me zgjedhje ku zgjedhesit "bindeshin" nga bandat e kemishezinjve ne Itali apo kemishemurrmeve‎ ne Gjermani. Po po, erdhen ne pushtet me zgjedhje ne nje demokraci te dobet. Vetem me pas erdhen dhunimet masive te te drejtave te njeriut dhe krimet.

Nese presim per kete te fundit si prove te rivendosjes se shtetit autoritar ku zgjedhjet sistemohen nga bandat, do te jete shume vone sepse ai lloj shteti do te jete bere realitet. Kullat qe do zevendesojne Parlamentin, Teatrin Kombetar dhe Muzeun Historik do jene monumentet e autoritarizmit te Edi Rames.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Të dashuruar që fëmijë, del Foto e fëmijërisë së Messit dhe bashkëshortes

Lifestyle

Të dashuruar që fëmijë, del Foto e fëmijërisë së Messit dhe bashkëshortes

Një foto e fëmijërisë së futbollistit Lionel Messi dhe bashkëshortes së tij Antonela Rocuzzo, e cila është realizuar në janar të vitit 1998, është publikuar së fundmi për herë të...

Përdhunoi dhe vrau gazetaren, dënohet 30 vjet burg

Aktualitet

Përdhunoi dhe vrau gazetaren, dënohet 30 vjet burg

Gjykata bullgare ka dënuar me 30 vjet burgim Severin Krasmirov për përdhunimin dhe vrasjen e gazetares investigative Victoria Marinova. Trupi i Marinovas u gjet më 6 tetor të vitit të kaluar...

28 emigrantë shqiptarë garojnë në zgjedhjet e majit në Itali

Aktualitet

28 emigrantë shqiptarë garojnë në zgjedhjet e majit në Itali

Eva Meksi mbërriti në Bari përpara 28 vitesh dhe tani e konsideron qytetin e saj. Aq e vendosur është t’i ofrojë atij të gjithë grintën dhe energjinë e saj, sa që...

Sondazh

Nothing found!

Sondazh

Nothing found!