FSHF për Braçen: Nuk trembemi nga një deputet tifoz, jemi të pastër

E Enjte, 11 October 2018 17:09

Vetëm pak orë pas fjalës së kryetarit të Komisionit të Ekonomisë, Erion Braçe, i cili thirri sot në një interpelancë ministrin e Financave dhe të Ekonomisë, Arben Ahmetaj për ligjshmërinë fiskale të Federatës Shqiptare të Futbollit, ka ardhur reagimi i institucionit që drejton futbollin në vend. Nëpërmjet një komunikate për shtyp FSHF, sqaron se një deputet tifoz nuk mund të trembi me kërcënime një inistitucion që funksionon sipas ligjeve.

“FSHF si gjithmonë, ndjek me vemendje të posaçme, çdo zhvillim parlamentar dhe jashtë tij, që ka të bëjë me mirëfunksionimin dhe imazhin e saj. FSHF, ashtu sikurse edhe UEFA dhe FIFA është veçanërisht sensitive, sidomos kur shikon tendenca nga ligjvënës, edhe pse të veçuar, që synojnë në thelb të cënojnë standardet ndërkombëtare të vendosura me kohë në këtë organizatë, dhe pavarësinë e saj nga politika. Sot, fatkeqësisht, si edhe disa herë të tjera, në mënyrë të përsëritur nga i njëjti deputet, por fatmirësisht për reputacionin e parlamentit shqiptar, i vetmi që në parlament sillet si tifoz i një ekipi, dhe në shkallët e stadiumit si ligjvënës, pamë jo vetëm gjuhë ofenduese, por edhe kërcënuese, që në subkoshiencë fshehin ëndrrën e vjetër të nje segmenti të caktuar të politikës për të pushtuar me dhunë FSHF-në.

FSHF jo vetëm garanton transparencën e saj përballë organizmave ndaj të cilave është e detyruar në bazë të rregullave t’i përgjigjet, por inkurajon gjithashtu punën e çdo institucioni shtetëror, apo qoftë dhe individi me pushtet, që në themel ka mirëfunksionim e kësaj organizate dhe jo ngritjen e ndonjë flamuri politik në ballkonet e saj. Duke ritheksuar besimin tonë tek institucionet e shtetit, nënvizojmë edhe njëherë se mesazhet e dala nga zëra të veçuar të politikës që baltosin jo vetëm imazhin e FSHF-së por edhe të UEFA-s do të përcillen dhe ndahen me të gjithë partnerët tanë në FIFA dhe UEFA”, shkruhet në komunikatën e FSHF-së.

Modifikuar më E Enjte, 11 October 2018 17:11

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Shabani: Drejtuesit e universiteteve u blenë me ligjin e arsimit të lartë

Aktualitet

Shabani: Drejtuesit e universiteteve u blenë me ligjin e arsimit të lartë

Pedagogu Endri Shabani i ftuar tek Sonila Meço në Ora News tha se drejtuesit e universiteteve u blenë me ligjin e arsimit të lartë. Shabani: Ia ka dorëzuar universitetit tregut dhe...

Premtimi për përgjysmimin e tarifave, Kryemadhi: Rama gënjen, nuk mund të bëhet pa ndryshuar buxhetin

Politikë

Premtimi për përgjysmimin e tarifave, Kryemadhi: Rama gënjen, nuk mund të bëhet pa ndryshuar buxhetin

Kryetarja e LSI-së, Monika Kryemadhi e ka cilësuar premtimin e Kryeministrit Edi Rama për përgjysmimin e tarifave të studimin me 50% si një vendim të parealizueshëm pasi pa ndryshuar buxhetin...

Amnisti për 27 prillin, Sela: Propozuesit e ligjit janë keqbërës

Bota Shqiptare

Amnisti për 27 prillin, Sela: Propozuesit e ligjit janë keqbërës

Aleanca për Shqiptarët votoi kundër propozimit të ligjit të amnistisë për 27 prillin. Kreu i ASH-së, Zijadin Sela propozimin e quajti një turp për ligjvënësit dhe humbje të shpresës së...

Sondazh

Nothing found!

Sondazh

Nothing found!