Samiti i PPE historik/ Vendet e Ballkanit Perëndimor duhet të reformohen dhe...

E mërkurë, 16 May 2018 21:03

Partia Popullore Europiane përmes një deklarate shprehet se sot është një moment historik në marrëdhëniet BE-Ballkani Perëndimor për të ardhmen e gjithë Rajonit.

"PPE është mbledhur sot në Sofje me një qëllim të vetëm - të përsërisim mbështetjen tonë të qartë për një zgjerim të besueshëm dhe perspektivën e pranimit evropian të partnerëve tanë të Ballkanit Perëndimor.

Politika e zgjerimit të BE-së ka qenë një nga mjetet më të suksesshme për të sjellë stabilitet dhe paqe në kontinentin tonë dhe ne duhet të bëjmë gjithshka të mundshme për të udhëhequr Ballkanin Perëndimor në rrugën e tyre të BE. Ballkani Perëndimor është partneri ynë më i ngushtë gjeografikisht, historikisht dhe ekonomikisht dhe BE nuk do të jetë e plotë deri sa rajoni të jetë pjesë e bashkimit tonë.

Por angazhimi i PPE dhe BE për të sjellë Ballkanin Perëndimor në Union duhet të plotësohet me punën e tyre të vazhdueshme për të reformuar vendet dhe për të përmirësuar marrëdhëniet fqinjësore dhe dypalëshe në frymën e pajtimit.

Përderisa përparimi i secilit vend do të gjykohet në bazë të kushteve të rrepta, Ballkani Perëndimor duhet të sigurojë që të gjitha reformat t’i japin përparësi luftës kundër korrupsionit, duke krijuar një sistem të pavarur të drejtësisë ku mbizotëron sundimi i ligjit.

Këto janë hapa të domosdoshme për t'i dhënë shpresë brezave të ardhshëm, për të tërhequr investitorë të rinj, për të krijuar vende të reja pune dhe për të luftuar nivelet endemike të papunësisë së të rinjve në rajon.

Sot, PPE është angazhuar edhe një herë për të sjellë Ballkanin Perëndimor në BE si investimi më i mirë gjeostrategjik për një Europë të qëndrueshme, të fortë dhe të bashkuar bazuar në vlerat e përbashkëta.

Ne shpresojmë që Ballkani Perëndimor të jetë i gatshëm të bashkohet  me përpjekjet tona për të mirën e popullit të tyre dhe vendit të tyre ", thuhet në një deklaratë të bërë publike në përfundim të Samitit të sotëm të mbajtur në Sofje.

Presidenti i PPE,  Joseph Daul , gjithashtu vlerësoi përpjekjet e suksesshme dhe të përkushtuara të Kryeministrit bullgar Bojko Borisov për të vendosur Ballkanin Perëndimor në rrugën e anëtarësimit në BE gjatë Presidencës Bullgare të BE.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Pas golit të dytë tifozët Kuq e Zi hodhën sende ndaj portierit

Sport

Pas golit të dytë tifozët Kuq e Zi hodhën sende ndaj portierit

Kombëtarja Shqiptare ka pësuar edhe golin e dytë para pak minutash në stadiumin “Loro Boriçi”, ndërsa mesfushori i Milanit, Calhanoglu vrapoi të festojë poshtë tribunës së tifozëve shqiptarë, çka provokoi...

Vrasja e avokatit të Shullazit, gazetari tregon takimin e fundit me të: Jam shokuar

Aktualitet

Vrasja e avokatit të Shullazit, gazetari tregon takimin e fundit me të: Jam shokuar

I ftuar në studion e “Report Tv”, gazetari Elton Qyno, ka rrëfyer takimin e fundit me avokatin Ravik Gurra, i cili u ekzekutua mbrëmjen e sotme në qytetin e Elbasanit. Qyno...

Dhoma e Avokatisë: Autorët e vrasjes së Ravik Gurrës të vihen para drejtësisë

Aktualitet

Dhoma e Avokatisë: Autorët e vrasjes së Ravik Gurrës të vihen para drejtësisë

Dhomave e Avokatisë së Shqipërisë ka reaguar lidhur me vrasjen në Elbasan të avokatit të njohur Ravik Gurra. Përmes një deklarate për mediat, Dhoma e Avokatisë kërkon që ngjarja të trajtohet...

Sondazh

Nothing found!

Sondazh

Nothing found!